വൈദ്യുതി പോയപ്പോൾ നവ വധു ഒളിച്ചോടി, കാമുകനുമായി കോടതിയിൽ പൊങ്ങി

നാദാപുരം:പവർകട്ട് സമയം കഴിഞ്ഞപ്പോൾ നവ വധുവിനേ കാണാനില്ല. നാദാപുരത്താണ്‌ നവ വധു ഗൾഫുകാരനായ കാമുകനൊപ്പം രാത്രി കറന്റ് പോയപ്പോൾ ഒളിച്ചോടിയത്.. കല്ലാച്ചി തെരുവാന്‍ പറമ്പ് സ്വദേശിയായ യുവാവുമായി വീട്ടുകാര്‍ പെണ്‍കുട്ടിയുടെ വിവാഹം നടത്തുകയായിരുന്നു. പാനൂര്‍ സ്വദേശിയായ യുവാവുമായി പെണ്‍കുട്ടി പ്രണയത്തിലായിരുന്നു.
വിവാഹ സമയത്ത് കാമുകന്‍ ഗള്‍ഫിലായിരുന്നു.മൂന്നു ദിവസം മുന്‍പ് നാട്ടിലെത്തിയ കാമുകന്‍ പെണ്‍കുട്ടിയുടെ വീട്ടില്‍ ചെന്ന് അന്വേഷിച്ചപ്പോള്‍ വിവാഹം നടന്നതായി അറിഞ്ഞു.

പിന്നീട് കാമുകന്‍ പെണ്‍കുട്ടിയെ കണ്ടെത്തുകയായിരുന്നു. ഇതിനു പിന്നാലെയാണ് രാത്രി ബൈക്കിലെത്തി പെണ്‍കുട്ടിയെ കൂട്ടിക്കൊണ്ടു പോയത്. ഭാര്യയെ കാണാതായതോടെ ഭര്‍ത്താവും വീട്ടുകാരും നാദാപുരം പോലീസില്‍ പരാതി നല്‍കി.
തുടര്‍ന്ന് അന്വേഷണം നടക്കുന്നതിനിടെ ഇരുവരും സ്‌റ്റേഷനില്‍ ഹാജരായി. വടകര കോടതിയില്‍ ഹാജരാക്കിയ പെണ്‍കുട്ടിയെ സ്വന്തം ഇഷ്ടപ്രകാരം കാമുകനൊപ്പം പോകാൻ അനുവദിച്ചു

Leave a Reply

Your email address will not be published. Required fields are marked *